Polítika Kliente (Customer Policy)

Introdusaun

Iha LojaMi, satisfasaun no konfiansa kliente (Merkante no Utilizadór) mak ami-nia prioridade prinsipál. Polítika Kliente ida ne'e kria atu asegura padraun servisu ne'ebé transparente, justu, no responsivu iha transasaun dijitál hotu-hotu ne'ebé ita halo liu husi plataforma LojaMi.

Padraun Servisu

Ami kompromete atu fornese servisu karteira dijitál no pagamentu (PPOB) ne'ebé:

Seguru

Proteje ita-nia dadus no saldo ho padraun seguransa aas.

Lais

Prosesa transasaun top-up, transferénsia, no sosa produtu dijitál iha tempu real.

Disponível

Esforsa atu servisu bele asesu oras 24 loron ida, loron 7 semana ida (eseptu durante manutensaun sistema ne'ebé programa ona).

Tratamentu Keixa (Dispute Handling)

Ami komprende katak problema tékniku bele akontese. Tuir mai mak prosedimentu ba tratamentu problema transasaun (hanesan pulsa la to'o, token EDTL failha, etc.):

Kanál Keixa

Utilizadór bele submete keixa liu husi email ba support@lojami.com ka liu husi menu "Ajuda" iha aplikasaun.

Tempu Resposta

Ami esforsa atu responde keixa hotu-hotu iha tempu másimu oras 1x24 servisu depois relatóriu simu.

Dadus Suporta

Bainhira relata, Utilizadór tenke inklui:

  • -Númeru Tikete/ID Transasaun (Transaction ID).
  • -Númeru Destinu (Telefone/Kontadór Eletrisidade).
  • -Screenshot prova transasaun ka mensajen erru.

Polítika Reembolsu (Refund Policy)

Transasaun Failha (System Failure)

Se saldo taka ona maibé transasaun deklara "Failha" (Failed) husi ami-nia sistema ka operadór, saldo sei fila fali automatikamente ba ita-nia konta LojaMi (Tempu real ka másimu oras 1x24).

Sala Utilizadór

Ami la responsável no la bele prosesa reembolsu ba transasaun ho status "Suksesu" (Success) maibé kauza husi sala utilizadór, hanesan:

  • -Hatama númeru telefone ka númeru Kontadór Eletrisidade sala.
  • -Hili denominasaun voucher sala.
  • -Transfere ba konta utilizadór sala.

Edukasaun & Prevensaun Fraude

•LojaMi nunka husu kódigu OTP, PIN, ka Password ba kliente liu husi mídia ruma.

•Kliente responsável tomak atu mantein segredu dadus sira ne'e.

•Lakon tanba neglizénsia kliente ne'ebé fó asesu konta ba parte terseiru la'ós responsabilidade LojaMi.